Falknis: Aviun senza motor crudà
-
- Zoom
- In aviun saja crudà datiers da Maiavilla en la regiun Falknis. Da l'auter mancan anc adina indizis. (mad)
Il pilot da l'aviun senza motor ch'è crudà giu ier en la regiun Falknis datiers da Maiavilla è mort. Entant han ins chattà la bara.
12.07
Las lavurs da salvament sajan stadas fitg difficilas. Da l’auter aviun senza motor na datti actualmain anc nagin fastizi. Il davos contact cun il pilot saja stà ier suentermezdi a las quatter cura ch'el sgulavi sur Schesaplana-Tavau.
La polizia manegia, ch'el saja sgulà en direcziun Glaruna. Emprims rapports ch'ils dus pilots avevan prendì part d’ina concurrenza da sgular, n'èn betg vegnids confermads. Domadus aviuns eran partids da l'eroport da Schänis en il chantun Son Gagl.
10.49
L'aviun era partì per ina concurrenza da sgular interna d'ina gruppa d'aviuns senza motor a Schänis. La Rega ed in helicopter da la SAR èn en acziun per salvar l'aviun. Las lavurs da salvament sajan dentant fitg difficilas.
Tenor communicaziuns da la polizia chantunala manca anc in ulteriur aviun senza motor. Il davos contact cun il pilot saja stà ier suentermezdi a las quatter, cur ch'el sgulava sur Schesaplana-Tavau. (sd/pocha)
