G8: Iran duai infurmar davart program atomar
-
- Zoom
- A l’inscunter da G8 n’han ils pajais betg savì s’unir per cumbatter la crisa da daivets ed economia. (Keystone)
L'inscunter dals pli impurtants pajais industrials dal vest e la Russia, ils G8, èn ids a fin senza in program da conjunctura communabel.
I ha dà intensivs discurs a Camp David en ils Stadis Unids da l'America. A la fin dals quints vul dentant mintga pajais decider sez davart mesiras da svilup. En ina decleraziun han ils stadis dal G8 intimà l'Iran da dar scleriment davart ses program atomar.
E da las partidas da conflict en Siria pretendan ils G8 mesiras paschaivlas per far fin al conflict. Ils schefs da las regenzas han er declerà, ch'i veglian, che la Grezia restia en la zona da l'Euro. (sd/sda)
