MTB: Schurter betg parti a La Bresse
-
- Zoom
- Nino Schurter na saja betg proppi fit il mument. (Keystone)
Discletg per Nino Schurter. Il mountainbiker da Tersnaus ha stuì dar forfait oz a la 4. cursa da la cuppa mundiala a La Bresse en Frantscha. Schurter è betg proppi fit, patescha da mal il magun ed ha uschè decidì da persequitar la cursa sper la pista.
Gudagnà la La Bresse ha la il matador local, il franzos Julien Absalon, cun siat secundas avantatg sin il tschech Jaroslav Kulhavy. Il tierz plaz cun in retard da 40 secundas ha il svizzer Ralph Näf contonschiu.
Era ils auters mountainbikers svizzers han mussà ina grondiusa prestaziun, gest 4 èn vegnids sut ils emprims sis, 7 sut ils emprims 15:
4. Florian Vogel
5. Fabian Giger
6. Christoph Sauser
10. Lukas Flückiger
13. Martin Gujan
15. Mathias Flückiger
El classament general resta Nino Schurter a la testa cun 700 puncts. Sin il segund plaz suonda il dubel campiun olimpic, Julien Absalon cun 650 puncts, terz ei il tschech Jaroslav Kulhavy cun 625 puncts. En duas emnas stat la proxima cursa da la cuppa mundiala sin il program a Val di Sole en l'Italia. (rtr/aw/sd)
