Moto: Tom Lüthi gudogna GP a Le Mans
-
- Zoom
- Tom Lüthi ha gudagnà l'emprim grond premi da la stagiun a Le Mans cun in avantatg da 6 secundas. (Reuters)
Il pilot da moto svizzer, Tom Lüthi, ha gudagnà il grond premi da la Frantscha a Le Mans. En la categoria da Moto2 ha el festivà ina victoria suverana cun passa 6 secundas avantatg sin il segund, il talian Claudio Corti.
Terz è daventa Scott Redding da la Gronda Britannia. Dominique Aegerter è vegni 15avel. L'auter svizzer, Randy Krummenacher è crudà ora. Medemamain crudà ora è il leader d'enfin qua en il classament general, il spagnol Marc Marquez.
Nov leader dal classament general è in auter spagnol, Pol Espargaro. Espargaro è vegnì oz 6avel.
En la categoria Moto3 ha Giulian Pedone da Neuchâtel realisà in 10avel plaz, il meglier plaz da sia carriera. (sd/sda)
