Sedrun Mustér Turissem: Leo Hug ha avunda
-
- Zoom
- Leo Hug sa sentia isolà da la suprastanza e demissiunescha per immediat. (ANR, H. Huonder)
Leo Hug ha demissiunà sco president da Sedrun Mustér Turissem. En sia decleraziun da demissiun, drizzada al vicepresident, scriva Leo Hug, ch’el saja dapi l’october isolà da la suprastanza.
Sut questa circumstanza na saja i betg pussaivel, da garantir in manaschi regulà. Leo Hug demissiunescha perquai per immediat sco president da l’uniun Sedrun Mustér Turissem.
Plinavant cusseglia Leo Hug en ses scriver da demissiun, da far midadas en la suprastanza da Sedrun Mustér Turissem. Uschia pudessan ins dar al turissem sisum la Surselva in meglier futur. (sm/rtr)
