Siria: Investigaziuns cunter persunas da Baschar al-Assad
La procura publica federala investighescha cunter pliras persunas ord il circul dal president da la Siria, Baschar al-Assad. Ellas duain avair lavà daners.
Er cunter plirs commembers dal Clan da l'anteriur dictatur da la Libia, Muammar al-Gaddafi, maina la procura publica ina procedura penala.
Ina pledadra ha confermà infurmaziuns da la NZZ am Sonntag. Tar las persunas da la Libia investighescha la procura publica plinavant era pervì dal suspect, ch'ellas sajan cumpigliadas vid in'organisaziun criminala. (sd/nzzas)
