Grischun vacanzas: Suprastanza vul president Friberg
-
- Zoom
- Il cussegliader d'interpresas Marcel Friberg duai suandar ad Andreas Wieland sco president da Grischun vacanzas. (ANR, H. Huonder)
Marcel Friberg duai daventar il nov president da Grischun vacanzas. Quai propona la suprastanza da Grischun vacanzas. Il cussegliader d'interpresas che deriva da Breil duai remplazzar Andreas Wieland.
Sper il presidi sto Grischun vacanzas occupar dus ulteriurs posts en suprastanza, perquai che Alois Vinzens ed Erwin Rutishauser han demissiunà. Grischun Vacanzas propona d'eleger la directura da la Tschuggen Hotel Group, Corinne Denzler, ed il manager da Swissair e Kuoni: Reto Wilhelm.
Las elecziuns da la suprastanza èn ils 8 da zercladur a Passugg. (rtr/uca)
