Malgrà che firmas privatas dastgan dapi 3 onns era distribuir brevs en Svizra ch'èn pli grevas che 50 grams, ha la posta strusch pers clients. Cumplainamain avert per privats è dapi 8 onns il martgà da pachets. Là tegnan ils privats uss in 5avel dal martgà.

Brevs arrivan pli punctual

La posta ha era pudì augmentar la punctualitad tar la distribuziun da las brevs. Passa 97% da las brevs da la posta A èn vegnidas distribuidas punctualmain l’onn passà. Tar la posta B èn quai perfin passa 99% da las brevs

Provediment garantì

Tenor Marc Furrer, il manader da la PostReg, ha la posta pudì garantir era l’onn passà il provediment da basa. varga 90% da las Svizras e dals Svizzers pon cuntanscher a pe u cun ils transports publics entaifer 20 minutas in uffizi postal. Furrer è in adherent da las agenturas da posta ch'ins ha drizzà en en stizuns, per garantir il provediment per entiras valladas.

Zichel damain cuntents

Ils clients paran dentant d’esser in zichel main cuntents cun la posta ch’anc avant in onn. Els dattan tenor il rapport annual da la PostReg anc 79 puncts da 100 pussaivels a la posta svizra. Quai è in punct pli pauc ch’anc il 2010. (gc/sda)