Durant bun 50 onns (1926-1973) ha la Pro Juventute manà l’ovra d’agid "uffants dal stradun". Per far ord ils viagiants, cunzunt il Jenics, residents, ha l’ovra d’agid prendì davent dals viagiants ils uffants e mess quels tranter auter en dimoras d’uffants, en famiglias estras, en psichiatrias u praschuns.

Il 1973 è l’ovra d’agid vegnida schliada. Quai suenter ch’il schurnalist Hans Caprez ha revelà las praticas da l’ovra d’agid il 1972 en in artitgel. Il squitsch da la populaziun è numnadamain creschì lasuenter enormamain sin la Pro Juventute. (gc/rtr)