Ballape: Terrada per il FC Sion avant dretgira
-
- Zoom
- Christian Constantin, il president dal FC Sion. (Keystone)
La dretgira regiunala Bern-Mittelland ha refusà il plant dal FC Sion. Il club vallesan manegia che la suprastanza centrala da la federaziun svizra da ballape n’avessi betg dastgà trair giu ad els 36 puncts.
La dretgira insista sin il fatg che sulettamain la dretgira da sport internaziunala a Losanna saja responsabla per il plant. Cun quai resta il FC Sion sin rang 9 da la tabella e sto giugar questa fin d'emna ils gieus da relegaziun cunter il segund da la Challange League. Quai vegn ad esser Aarau ubain Bellinzona. (gc/sda)
