Iran: Cunvegna cun IAEA sin buna via

  • Publicaziun: 22-05-2012, 20.04

L'agentura internaziunala per l'energia atomara (IAEA) e Teheran èn sa cunvegnì d'intercurir pli exact il program d'atom dispitaivel da l'Iran. Ina cunvegna correspundenta duai vegnir suttascritta proximamain, ha ditg il schef da l'IAEA Yukiya Amano.

I dettia dentant anc intginas differenzas d'opiniun che stoppian anc vegnir scleridas, ha el ditg suenter ses return da Teheran al eroport da Vienna.

 

Cun la cunvegna duai l'organisaziun internaziunala per l'energia atomara era survegnir access a la staziun da perscrutaziun militara a Parchin datiers da Teheran. Ils pajais dal vest suspecteschan l'Iran da simular là tests cun chaus nuclears. (gc/sda)