Italia: Ulteriurs terratrembels en il nord
-
- Zoom
- En l'Italia dal nord han millis persunas stuì durmier en tendas d'urgenza. (Reuters)
En la regiun Emilia Romana, en l'Italia dal Nord, hai dà plirs terratrembels posteriurs. Suenter il grev terratrembel da la dumengia han in pèr milli persunas era passentà la notg passada en alloschis d'urgenza u tar confamigliars.
Il primminister talian Mario Monti vul visitar mardi la regiun pertutgada. Ultra da quai è planisada ina sesida dal cussegl dals ministers per proclamar il stadi d'urgenza.
Pervi dal terratrembel da la dumengia èn mortas almain set persunas e 50 blessadas. (sda/uca)
Ferm terratrembel en il nord da l'Italia. Oz en damaun ha la terra stremblì en la vischinanza da Bologna en la regiun Emilia-Romagna. Tenor indicaziuns da l'observatori da terratrembels american haja il terratrembel cuntanschì ina... dapli Bologna: Ferm terratrembel chaschuna 6 morts e var 50 blessads
