Passlung: Um da service da Cologna chala pli probabel
-
- Zoom
- In spert ski è essenzial per gudagnar - era per Dario Cologna. (Keystone)
Suenter mo in onn sto Swiss Ski probabel ir a la tschertga d'in nov um da service per Dario Cologna. Il Talian, Gianluca Marcolini n'ha betg prolungà ses contract.
Per Marcolini èn raschuns famigliaras stadas decisivas. El po turnar en sia patria. Là han ins fatg ad el in'offerta sco schef-tecnicher dal biatlon.
Il schef da disciplina, Hippolyt Kempf, n'ha anc betg pers la speranza che Marcolini midia opiniun. El tschertga ina soluziun interna per occupar la plazza vacanta. (gc/sda)
