SUVA: 50 milliuns tras accidents cun animals
-
- Zoom
- Insects e raischens chaschunan ils pli blers accidents che la SUVA ha da cuvrir. (ANR, M. Pult)
Mintg'onn registrescha la SUVA da quai da 18milli accidents cun animals. Quels chaschunan custs d'enturn 50 milliuns francs. Il pli blers accidents chaschunan insects e raischens.
Ils pli blers tras insects e raischens
5'400 accidents chaschunan insects, suandads da 4'100 tras raischens. Lur piztgadas e morsas pon s'inflammar ed il mender cas manar ad invaliditad. Tuttina è il decurs da las malsognas ed inflammaziuns en 90% dals cas bun.
Ils pli chars cun chavagls
In accident cun chavagl custa en media 10'000 francs. Char vegni era, sche selvaschina vegn nunspetgadamain sin via e siglia en in auto. Qua datti en media custs dad 8'000 francs. (sda/uca)
