Val S. Pieder: Zumthor scumonda adiever da ses num
-
- Zoom
- Peter Zumthor na vul betg laschar duvrar ses num per reclama a Val S. Pieder. (RTR, L. Livers)
Nauscha posta hai dà quels dis per ils da Val S. Pieder. L'architect Peter Zumthor ha communitgà als hoteliers ed impressaris da Val ch'els na dastgian betg pli duvrar il num Peter Zumthor ni era mo Zumthor per far reclama.
Plinavant na dastgan era betg pli vegnir duvradas fotografias da l'intern dal bogn termal per far reclama. Zumthor sa basa sin il dretg da ses num sco marca e sin il dretg sco autur dal bogn termal.
Ils da Val han reagì consternà e na chapeschan betg quella reacziun da Peter Zumthor. Per part vulan firmas e hotels ussa tschertgar schliaziuns individualas cun l'architect. (rtr/ll)
