Samedan: Lavurant è mort suenter accident
Suenter ses grev accident dad ier a la Samedan – è il lavurant da 54 onns dal Portugal mort pervia da sias grevas blessuras. Quai communitgescha la polizia chantunala.
L’accident era succedì ier tar la scolina “Sur Puoz”, che vegn engrondida actualmain. Durant las lavurs era el crudà en in foss, e la terra ch’è vegnida libra ha sutterrà el enfin il pez.
Suenter ch’el era vegnì deliberà da ses collegas da lavur e da las equipas da salvament è el vegnì sgulà cun la Rega en l’ospital chantunal da Cuira, nua ch’el è mort mardi saira. (ec/pocha)
