Hanspeter Hobi renfatscha a Kurt Steck che sia propaganda electorala saja stada dubiusa, nuntransperenta e senza maniera. Las renfatschas che sajan vegnidas fatgas envers il president en uffizi, Markus Haltiner, sappian ins chapir sco campagna polemica, uschia Hobi. Las decisiuns sajan adina vegnidas fatgas a moda e maniera democratica ensemen cun il cussegl e la suprastanza communala.

Nagina campagna polemica

Kurt Steck è trumpà e surprendì da la reacziun da Hanspeter Hobi. La raschun daco che Markus Haltiner na saja betg pli vegnì reelegì, saja ch’ils votants n’hajan betg pli fidanza en il president en uffizi. Quai hajan els mussà cun questa elecziun.

In connex cun il comité “pro Kurt Steck” u cun il cumbat electoral dad el haja quai da far nagut. Numnar quella ina campagna polemica saja dal tuttafatg fauss. El deploreschi che Hanspeter Hobi n’acceptia betg l’elecziun.

L'elecziun substitutiva dal post da Hanspeter Hobi è ils 23 da settember.