Grezia: Glindesdis èn ils tresors puspè plains
-
- Zoom
- Ils proxims dis survegnan las 4 pli grondas bancas da la Grezia 18 milliardas euros agid finanzial. (pixelio.de)
Las 4 pli grondas bancas da la Grezia duessan survegnir il pli tard glindesdi proxim l'agid finanzial empermess da 18 milliardas euros. Quai ha ditg il schef da la banca naziunala da la Grezia suenter in inscunter cun il president dal pajais Karolos Papoulias.
L'agid finanzial era vegnì decidì l'entschatta da l’emna. Ils daners vegnan dal program d'agid da 130 milliardas ed eran gia vegnids transferids l'emna passada sin in conto spezial da la banca naziunala. (gc/sda)
