Ballape: Blatter metta en dumonda penaltis
-
- Zoom
- Sajettar penaltis cuntrafa tenor il president da la FIFA Sepp Blatter a l'idea dal gieu d'equipa. (Reuters)
Sepp Blatter, il president da la Federaziun internaziunala da ballape (FIFA) metta en dumonda il tir da penaltis. Gieus che na sajan betg decidì era suenter ina prolungaziun, na duain betg vegnir decidì cun sajettar penaltis.
Il penalti saja in cumbat dad in cunter in auter e quai cuntrafetschia a l'idea dal gieu d'equipa, ha ditg Blatter avant ils delegads dal congress da la FIFA. Blatter ha incumbensà ina gruppa da lavur da la FIFA cun la tschertga d'ina alternativa. Franz Beckenbauer vegn a timunar quella gruppa. (gc/si).
