Castasegna: Guardiacunfins han chattà cigarettas

A la duana a Castasegna han las guardias da cunfin scuvert in cas da cuntrabanda cun cigarettas. Tar la controlla d'in auto da la Pologna cun passagiers ucrains hajan els chattà 120 stangas da cigarettas en l'auto

Tenor emprimas retschertgas han ils ucrains transportà gia il di avant las cigarettas en Svizra e vulevan ussa transportar ellas en l'Italia. La duana ha confiscà las cigarettas ed ils cuntrabandists ston quintar cun ina multa da plirs milli francs. (ec/cp)