Egipta: Las vuschs vegnan dumbradas
-
- Zoom
- Ahmed Shafik, Mohammed Mursi, Abdel Moneim Abul Futuh, Amr Mussa e Hamdin Sabbahi (da san.) valan sco favurits per las elecziuns presidialas en Egipta. Tuttina na quintan ins betg ch'in dad els cuntanschia gia en l'emprim scrutini 50% da las vuschs. (Reuters)
En l'Egipta ha cumenzà la dumbraziun da las vuschs da l'elecziun dal president. Quai rapporta la gasetta egipziana Al-Ahram sin sia pagina d'internet. Cun emprims resultats quint'ins damaun sonda.
Il victur vegn probablamain ad esser enconuschent pir suenter in segund scrutini. I vala sco pauc probabel ch'in dals 12 candidats survegn gia l'emprima giada passa 50% da las vuschs.
52 milliuns burgais da l'Egipta èn stads clamads a l'urna per eleger in successur da Husni Mubarak. (ec/sda)
