La cunvegna haja purtà enavant l'economia svizra ed haja contribuì considerablamain a l'augment da l'occupaziun en Svizra. Effects negativs da la libra circulaziun sin il dumber da dischoccupads e las pajas sajan restads pitschens, scriva il SECO en il rapport actual da l'observatori per la cunvegna da la libra circulaziun.

I dovria correcturas

La partida populara svizra (PPS) crititgescha il rapport dal SECO. Il Secretariat da stadi per l'economia n'haja betg examinà svilups problematics sco l'immigraziun da massa.

Er la partida socialdemocratica prenda posiziun tar il rapport dal SECO. Ella è da l’avis che la libra circulaziun da persunas saja in model da success. I dovria dentant en plirs secturs correcturas tar las mesiras flancantas

Il schefeconom da l'Uniun sindicala svizra, Daniel Lampart, è da l’avis che cunzunt la realisaziun da las mesiras flancantas saja anc adina in problem. (gc/sda)