MTB: Team per gieus olimpics è cumplet
-
- Zoom
- Florian Vogel. (Keystone)
Ralph Näf e Florian Vogel èn ils 2 mountainbikers svizzers ch’accumpognan il lumnezian Nino Schurter als gieus olimpics da Londra. Schurter ch’è stà ils ultims onns cleramain il meglier svizzer era gia vegnì selecziunà il settember passà.
Medemamain adempli ils criteris da selecziun han Fabian Giger, Lukas Flückiger e Christoph Sauser. Els èn dentant betg nominads perquai che mo 3 mountainbikers per naziun dastgan esser a la partenza. Giger è dentant ciclist da reserva.
-
- Zoom
- Ralph Näf (Keystone)
Ralph Näf è gia partì als gieus olimpics d’Athen 2004, Florian Vogel 2008 a Peking. Plinavant ha Swiss Olympic nominà Katrin Leumann ed Esther Süss per la cursa da las dunnas. (gc/si)
