Nova Zelanda: Sentenzià il capitani da la Rena
-
- Zoom
- Il bastiment da containers Rena è rut dapart e sfundrà parzialmain. (Keystone)
En la Nova Zelanda è il capitani dal bastiment da containers havarà "Rena" vegnì condemnà a 7 mais praschun. La dretgira è da l’avis che l’equipa da las Filippinas haja fatg sbagls e midà il curs dal bastiment grec a moda betg lubida cura ch'ella haja empruvà da scursanir il viadi al port da Tauranga.
L'october passà era il bastiment da containers fitgà cunter in grip da curals datiers da la costa da la Nova Zelanda. En il fratemp è il bastiment rut dapart e sfundrà parzialmain.
Tar la catastrofa en da quai da 400 tonnas ieli culads en la mar ed han tartagnà las rivas alvas. Passa 2400 utschels èn crappads. (ec/sda)
