Pass dal Stelvio: Taxa da transit vegn spustada
-
- Zoom
- Sur ill pass dal Stelvio sto vegnir pajar en l'avegnir ina taxa. (RTR)
La provinza taliana autonoma da Bulsaun vuleva atgnamain introducir questa stagiun da stad ina taxa da transit per la vart tirolaisa da la via dal Pass dal Stelvio. Quest onn vegn la taxa dentant anc betg introducida l'entira fatschenta è vegnida spustada per in onn.
Las raschuns principalas per quest retard sajan raschuns administrativas ed organisatorics, ha la provinza da Bulsan communitgà a las autoritads svizras. La procedura administrativa tranter la provinza dal Tirol dal Sid e Roma na para anc betg d’esser atras.
Il mument manchia er l’infrastructura e la signalisaziun per incassar la taxa da transit sin quella via. Perquai saja vegnì decidì a curta vista da laschar passar il trafic er questa stad libramain. Proxima primavaira quintan ins lura d’esser pronts. (gc/rtr)
