A13: Accident mortal d’auto

Tar in accident sin l'autostrada A13, tranter Tusaun e Ziràn, ha ina persuna pers la vita, in'autra è vegnida blessada grevamain. Curt suenter las 8 la damaun è ina manischunza vegnida cun ses auto vin il vial oppost ed è collidà frontal cun in auto che vegniva encunter. Il manischunz da 51 onns che charrava correct è vegnì blessà talmain, ch'el è anc morts sin la plazza d'accident. La manischunza che ha chaschunà l'accident è sa blessada grevamain ed è vegnida sgulada cun la REGA en l'ospital chantunal a Cuira. Pervia da l'accident era l'autostrada serrada per pliras uras.