Ban Ki Moon: Stgir maletg per la Siria
-
- Zoom
- Ban Ki Moon scriva en in rapport al cussegl da segirezza, ch'i dettia anc adina cuntravenziuns cunter ils dretgs umans da las truppas da la regenza. (Keystone)
Il secretari general da l'ONU, Ban Ki Moon, fa in maletg stgir da la situaziun en la Siria. Las truppas da la regenza cuntrafetschian vinavant als dretgs umans ed era l'opposiziun rinforzia sias attatgas, ha declerà Ban.
En il pajais dettia in'atmosfera da tensiun, da disfidanza e da tema. Las stentas da l'ONU hajan fin ussa purtà mo pauc success. Uschia statti en il rapport da Ban. L'emna proxima s'occupa il cussegl da segirtad da l'ONU da quai rapport. (sd/sda)
