Siria: ONU intercurescha mazzacrada
-
- Zoom
- En la Siria vegni demonstrà suenter la mazzacrada. (Keystone)
Suenter grevas attatgas da las truppas statalas sin la citad Houla en observaturs da las Naziuns Unidas arrivads en la citad. Els duain documentar ils malfatgs ch'èn vegnì commess las davosas 24 uras cun violar la pausa da cumbat, ha ditg in pledader d'ina organisaziun per ils dretgs umans en la Siria.
Avant aveva la radunanza da l'opposiziun, il cussegl naziunal da la Siria, pretendì ina sesida d'urgenza dal cussegl da segirtad da l'ONU.
Dapli che 110 persunas hajan pers la vita tar l'attatga sin la citad Houla tar la quala entiras famiglias sajan vegnidas mazzacradas da las truppas statalas. La mesadad da las victimas sajan uffants, ha ditg in pledader dal cussegl naziunal. (sd/sda)
