Ils delinquents ageschian cun dapli violenza e brutalitad. Quai ha ditg Jürg Noth, il schef dal corp da guardias a la NZZ am Sonntag. Las bandas sajan armads cun buis d'assagl e perfin granatas cunter chars armads ch'els dovrian era. Las bandas sajan per il solit da l'aglomeraziun da Lyon, ils commembers per ordinari burgais franzos ed oriunds da l'Africa dal nord, uschia Jürg Noth.

Per cumbatter las bandas vegnan ils guardia cunfin ussa scolads spezialmain, els survegnan novas giaccas da protecziun. Plinavant vul il Corp da guardias da cunfin duvrar dapli helicopters e dronas en il futur. (sd/nzzas)