Cunvegnas da taglia: Levrat vul refusar
-
- Zoom
- Christian Levrat cusseglia al Cussegl federal d'agir proactiv e d'offrir a l'UE il barat d'infurmaziuns. (Keystone)
Il president da la partida socialdemocrata, Christian Levrat, vul terrar las cunvegnas da taglia. Sco quai ch'el ha ditg en in'intervista a la SonntagsZeitung, vegli el cumbatter per in “na” a las cunvegnas cun la Germania, la Gronda Britannia e l'Austria, quai en la sesida da la fracziun mardi proxim.
El cusseglia al Cussegl federal d'agir proactiv e d'offrir a l'UE il barat d'infurmaziuns. Cun quai pass possia il Cussegl federal cuntanscher concessiuns en las negoziaziuns da las bilateralas 3. Quai en ils dossiers d’energia, la taxaziun da societads da holding e dumondas instituziunalas, è Levrat perschuadì. (sd/sz)
