Football: Calanda Broncos vulessan vegnir nr. 1 da l’Europa
-
- Zoom
- Il numer 1 en la Svizra èn els gia, ils Calanda Broncos. (Samuel Trümpy)
Il numer 1 en Svizra èn els gia daditg. Ussa vulan els vegnir il numer 1 da l'Europa. Ils Calanda Broncos, ils campiuns svizzers da l'american football èn per l’emprima giada insumma en il mezfinal da la Eurobowl, la Champions League da l’american football.
Ils Calanda Broncos han gudagnà a Graz il quart final encunter ils Graz Giants cun 19:15. Uss dastgan ils Broncos sa legrar sin il mezfinal. Quel è puspè en l'Austria. Ils Calanda Broncos dattan en 3 emnas ad Innsbruck/Puntina encunter ils Tirol Raiders, ch'han gudagnà ils davos 4 onns 3 giadas la Eurobowl. (rtr/ra/sd)
