Quai che fa sia victoria anc pli speziala è, che Hesjedal ha mida pir tard tar il sport da velo sin via. Hesjedal è oriundamain in mountainbiker. Il ciclist da 31 onns è tranter auter stà vicecampiun mundial da mountainbike.

En la davosa etappa dad oz, ina cursa encunter l'ura a Milaun, è Ryder Hesjedal vegnì 6avel ed è anc vegnids da surpassar il spagnol Joaquim Rodriguez che manava fin là. Rodriguez è vegnì be 26avel en la cursa encunter l'ura. Gudagnà quella ha il talian Marco Pinotti avant Geraint Thomas da la Gronda Bretagna e Jesse Sergent da la Nova Zelanda.

ll canadais Ryder Hesjedal gudogna pia il classament general e porta a chasa la maglia rosa. Il spagnol Joaquim Rodriguez è suenter 3 emnas Giro d'Italia be 16 secundas enavos. Terz è il Beltg Thomas de Gendt, ch'ha gudagnà ier l'etappa roiala orasi il Stelvio. De Gendt è ina minuta e 39 davos il victur Ryder Hesjedal. (rtr/ra/sd)