Raiffeisen: Vincenz na spetga naginas consequenzas
-
- Zoom
- Tenor Pierin Vincenz sa sviluppeschia la banca Notenstein a moda excellenta. (Keystone)
Pierin Vincenz, il schef da la gruppa Raiffeisen, na spetga naginas consequenzas negativas per sia banca pervia da la procedura penala cunter la banca Wegelin en ils Stadis Unids da l'America.
Quai ha Vincenz ditg en in'intervista cun la Südostschweiz am Sonntag. Il pretsch da cumpra per la banca Notenstein saja uschia che la banca Wegelin haja avunda chapital per pajar in'eventuala multa.
Tenor Pierin Vincenz sa sviluppeschia la banca Notenstein a moda excellenta. L'entschatta da l'onn aveva la gruppa Raiffeisen cumprà la part betg americana da la banca privata Wegelin. (sd/soas)
