Siria: Reschim refusescha responsabladad per mazzacra
-
- Zoom
- Il reschim da la Siria ha refusà la responsabladad per la mazzacra en la citad Al-Hula. (Reuters)
Dunnas, uffants e umens vegls sajan vegnì sajettà giu. L'armada eroica da la Siria n'haja da far nagut cun quels crims, ha ditg in pledader dal ministeri da l'exteriur da la Siria.
Tar la mazzacra il venderdi hajan passa 100 civilists pers la vita, quai rapportan opposiziunals. Tenor las Naziuns Unidas tutgian era 32 uffants tar las victimas. La mazzacra, per la quala l'opposiziun fa responsabla l'armada statala, ha chaschunà protestas internaziunalas. (sd/sda)
