Er en il chantun Grischun poi dar ch’ina cuminanza linguistica è en la minoritad envers ils abitants da las autras regiuns linguisticas, cura ch’i va per impurtantas decisiuns politicas. Il pli savens capita quai als abitants da las valladas talianas.

Ch’i dat era in “foss da Pizzoccheri” ubain in “foss da Capuns”, resorta d’ina lavur da seminari da Clau Dermont, che studegia politologia a l’universitad da Berna.

Clau Dermont, che s'engascha politicamain en la Partida socialdemocrata, ha chattà or ch’i dat per part grondas differenzas, cura che Grischuns rumantschs, talians u tudestgs van a las urnas tar votaziuns federalas.

L'entira lavur da Clau Dermont è da chattar en l'internet sin claudermont.ch.

(fa/rtr)