ONU vul intercurir mazzacra
-
- (maletg da simbol) Ad Al-Hula duai avair dà ina mazzacra da passa 100 persunas. (Reuters)
Il cussegl per dretgs umans da l'ONU vul intercurir las circumstanzas da la “mazzacra d'Al-Hula” en la Siria. Davart ina tala resoluziun vul il cussegl decider damaun, en sia quarta sesida extraordinaria davart il conflict armà en la Siria.
Tenor il sboz da la resoluziun sa tractia quai d'in delict cunter dretg internaziunal ad Al-Hula, nua che passa 100 persunas sajan vegnidas mazzadas. La regenza sira cuntrafetschia a sia obligaziun da desister da violenza - surtut desister da sajettar en quartiers abitads. (gc/sda)
