San Murezzan ha gia pudì manar tras il campiunadi mundial da skis ils onns 1934, 74 e 2003. Il concept dals campiunadis mundials dal 2017 sa basa sin il campiunadi d'avant 9 onns cura che 170’000 aspectaturs avevan persequità las cursas.

Ils auters candidats per il campiunadi mundial èn stads Are en Svezia e Cortina d’Ampezzo en l’Italia. Cortina aveva curt avant la decisiun retratg sia candidatura, la citad en l'Italia dal nord vul dentant candidar per il campiunadi mundial dals 2019.

 
 

 

Segn positiv per gieus olimpics

 

Tenor ils iniziants da la candidatura per gieus olimpics dal 2022 è la surdada dal campiunadi mundial a San Murezzan in cler signal positiv. Tant per la candidatura per ils gieus olimpics 2022 sco era per la Svizra sco lieu d’occurrenzas da sport internaziunalas. (gc/fb/sda)