Bittader da facla tira vinavant ses cas
-
- Zoom
- La dretgira districtuala da Turitg aveva condemnà in hooligan da ballape a 2 onns praschun cundiziunà. (Keystone)
A Turitg trai il fan da l'FCZ ch'aveva bittà ina facla vinavant ses cas a la dretgira superiura. Mez matg aveva la dretgira districtuala da Turitg sentenzià el a 2 onns praschun cundiziunà sin 3 onns da prova.
Quai per avair periclità la vita da persunas, per blessura corporala, e per avair cuntrafatg a la lescha da materias explosivas ed al scumond da sa travestgir.
Facla da passa 1500 grads
Il fan dal club da ballape da Turitg FCZ aveva bittà l’october 2011 curt avant la fin dal derby tranter il FCZ e GC ina facla en il sectur bainfrenquentà da GC. La facla da passa 1500 grads ha grategià in fan vid la spatla e blessà quel levamain. Il gieu da ballape e lasuenter vegnì rut giu. (gc/sda)
