Gea a lescha da prevenziun
-
- Zoom
- Cun sensibilisar dapli davart la sanadas vul la politica sbassar ils custs en il sectur da sanadad. (Reuters)
Las mesiras per prevegnir a malsognas e promover la sanadad duain esser dirigidas meglier. Il cussegl dals chantuns ha approvà la lescha da prevenziun cun 20 gea cunter 16 na ed 1 abstenziun.
L'opposiziun resta dentant anc gronda en la chombra pitschna. Entrada en materia ha il president Hans Altherr dals liberaldemocrats cun la vusch da tagl.
Chaschunà discussiun ha la finanziaziun cun daners da las premias da l'assicuranza da malsauns. Il cussegl federal propona maximal 0,125% da la media da las premias annualas, il cussegl naziunal maximal 0,1% ed il cussegl dals chantuns ussa maximal 0,075%. La fatschenta va ussa enavos tar il cussegl naziunal. (gc/sda)
