Cumprar cigarettas duai vegnir unifitgà
-
- Zoom
- Cun tge vegliadetgna duain Svizzers e Svizras pudair cumprar cigarettas? Cun 16 u pir cun 18 onns? (Keystone)
Il parlament vul unifitgar la vegliadetgna minimala per pudair cumprar tubac. Senza discussiun ha il cussegl dals chantuns remess la moziun da la cussegliera naziunala Ruth Humbel al cussegl federal.
Actualmain decidan ils chantuns la vegliadetgna minimala. En 11 chantuns pon giuvens a partir da 16 onns cumprar tubac, en 7 chantuns èsi a partir da 18 onns. Anc betg definì èsi sin tge vegliadetgna ch'ins duai unifitgar. Il cussegl federal preferescha la limita da 18 onns. (gc/sda)
