En la radunanza regiunala da la Regiun Grischun Central da gievgia a Casti è vegnì preschentà il project, che vul schlargiar la purschida dal traffic public tranter Cuira e Lai. Dapi diesch onns sustegna l’uniun Regiun Grischun Central quest project.

Ina lingia da tren u in vial per bus 

I dat differentas variantas, sco per exempel in tren a roda dentada, u ina Monorail cun cabinas pitschnas. In’autra varianta pussaivla fiss er da schlargiar la via e far in vial mo per bus. Il studi ch’il chantun Grischun ha dà en incumbensa avant passa trais onns vegn ad esser in tema en la sessiun dal cussegl grond il december. Sco quai che la Regiun Grischun Central ha ditg ier a Casti, veglia ella sustegnair cun tutta forza il project. (fb/rtr)