Speranza per persunas schiradas
-
- Zoom
- Pon persunas schiradas bainprest puspè ir a pe? (Keystone)
A perscrutaders svizzers èsi reussì da far che ratuns schirads pon puspè far ir las chommas. Ils perscrutaders da la scola politecnica federala a Losanna (EPFL) han duvrà in trenament spezial, ina maschaida da chemicalias e la stimulaziun electrica da la gnerva en il magugl dal dies.
Tras il trenament èn sa sviluppads novs gnervs en il dies che han la fin finala puspè pussibilità ina colliaziuns tranter il tscharvè e las chommas. En in enfin dus onns vulan ils perscrutaders svizzers cumenzar cun studis che duain mussar, sche quest proceder po era gidar carstgauns schirads. (gc/dpa)
