Moto2

Lüthi parta da posiziun 3

  • Publicaziun: 02-06-2012, 18.45

Tom Lüthi parta damaun dumengia da la 3 plazza per il grond premi da la Catalugna. Be Marc Marquez e Pol Esparago èn stads pli sperts ch’il Svizzer.

Quest trio dominescha er il mument il campiunadi mundial da la Moto2. Avant la cursa da damaun dumengia (SF2 live da las 12.10) èn els be 3 puncts in ord l'auter en il classament general.

 

Ina buna prestaziun ha er Dominique Aegerter mussà. Aegerter è vegnì 6 a la qualificaziun e Randy Krummenacher parta da damaun da la posiziun 20 per la cursa a Montmelo. (gc/si)