20 tonnas rument tar "demo da saut"
-
- Zoom
- Millis giuvenils han sautà atras la citad da Berna. A la demonstraziun sut il motto “Sauta tai liber” han els vulì demonstrar cunter memia bleras restricziuns da la vita nocturna. (Keystone)
Il directur dal departament da polizia da la citad da Berna, Reto Nause tira ina bilantscha maschadada da la demonstraziun da questa notg. Considerond il grond dumber da persunas saja l'occurrenza passada senza pli gronds problems.
I haja dentant dà intgins donns materials, patangadas ed attatgas sin la polizia. Plinavant hajan vischins reclamà pervia da la canera ed ins haja stuì rumir da quai da 20 tonnas rument.
10’000 persunas han protestà
Tenor Nause ha la citad da Berna prendì per enconuschientscha la pretensiun dals giuvens per dapli spazi liber en la vita da notg. Il mument vegnia elavurà in concept.
Almain 10’000 persunas èn idas sin via la sonda saira en la citad da Berna per protestar cunter memia bleras restricziuns da la vita nocturna. (gc/sda)
