Assad fa l'exteriur responsabel per crisa
-
- Zoom
- Betg el, mabain l’exteriur saja responsabel per la crisa en il pajais, ha il president da la Siria, Bascha al-Assad, ditg oz avant il parlament. (Reuters)
Il president da la Siria, Baschar al-Assad, ha fatg responsabel pussanzas da l'exteriur per la crisa en il pajais. La Siria saja en ina veritabla guerra, ha Assad ditg avant il parlament.
La Siria fetschia atras il pli grev temp dapi il temp da la colonialisaziun. Gia pli baud aveva el adina puspè fatg responsabel terrorists d'avair instigà ils demonstrants cunter la regenza.
Igl è stà l'emprim pled da Baschar al-Assad suenter la mazzacra da passa 100 persunas en la regiun da Hula avant in'emna. L'opposiziun ed il reschim han inculpà in l'auter d'avair commess la mazzacra. Tranter ils morta eran era era bleras dunnas ed uffants. (gc/sda)
