Cugliunaders dovran administraziun da taglia sco speditur
-
- Zoom
- Cun questa brev han cugliunaders empruvà da vegnir vi d’infurmaziuns da cartas da credit e da contos da banca. (SF)
En Svizra maldovran cugliunaders il num ed il logo da l'administraziun federala da taglia. Els emprovan uschia da vegnir vi d’infurmaziuns da cartas da credit e da contos da banca.
Quai rapporta il post d'annunzia ed analisa da la segirtad d'infurmaziuns da la confederaziun.
Il mument vegnian tramess e-mails che fan la parita d'esser da l'administraziun da taglia federala e ch'empermettan ina restituziun da daners da taglia.
Il post cusseglia da betg avrir las agiuntas da tals e-mails e dad immediat stizzar quels.
(fa/sda)
