La vischnanca da Laax è vidlonder da surlavurar la planisaziun locala. Entaifer quella revisiun duai era vegnir realisà ina zona da bajegiar per indigens a Cons.

Per quella zona ha la vischnanca elavurà in reglament. Plinavant ha ella definì en in plan da quartier co plazzar las chasas per pudair nizzegiar il meglier pussaivel quest terren.

Previsas èn 15 parcellas en quella zona. Ensemen han quellas ina surfatscha da circa duas plazzas da ballape cun ina valita da bunamain 4 milliuns francs.

Las chasas dad ina fin pliras famiglias duain vegnir bajegiadas tuttas a l’ur da la zona. Amez è previs ina plazza per s'entupar.

Encunter quest plan da quartier han ils da Laax peda fin mez da zercladur da far protestas. La fin da zercladur a la radunanza da vischnanca decida Laax davart il reglament, uschia il president communal, Toni Camathias.

(fa/sm/rtr)