Era davart ils donns u il motiv dals delinquents na saja anc nagut enconuschent enfin uss, ha la polizia chantunala confermà sin dumonda dal Radio Rumantsch. Pli probabel sa tractia quai dad acts da vandalissem e betg d'ina acziun politica.

Era cas Vasella n'è betg sclerì
La polizia grischuna n'ha mai tschiffà ils delinquents responsabels per l'acziun politica d'avant trais onns, cura che la fossa da la mamma da Daniel Vasella (il schef dal concern da Novartis) era vegnida donnegiada.

La stad 2009 avevan nunenconuschents engulà l'urna dad Ursula Vasella, donnegià la fossa e scrit cun colur sin il crap-fossa "Drop HLS now". Quai vul dir che Novartis duai terminar la collavuraziun cun il labor britannic HLS, che fa experiments cun animals.

La polizia chantunala sa bain ch'ils delinquents tutgan tar ina gruppa da protecturs d'animals (SHAC), tgi ch'è dentant concret responsabel, n'ha la polizia mai chattà ora.

(fa/rtr)