La Pologna fa in pari cunter la Grezia
-
- Zoom
- L'equipa da la Pologna, in dals 2 pajais ospitants da l'EURO 2012, ha fatg in pari dad 1:1 cunter la Grezia. (Keystone)
La Pologna fa en il gieu d’avertura in pari cunter la Grezia - quai malgrà ch'il pajais ospitant da l'EURO 2012 ha dominà la partida, cunzunt en l'emprima mesadad.
Bain è la Pologna ida èn avantatg en la 17avla minuta cun 1:0 grazia in gol da Lewandowski. Suenter la pausa ha dentant la Grezia pudì egualisar la partida. Quai malgrà ch’ils Grecs giugavan suenter ina carta cotschna be pli en 10 dapi la 45avla minuta.
En la 71avla minuta hai lura er dà per il goli da la Pologna ina carta cotschna. Quai suenter ch’el ha fatg in foul per evitar in gol dals Grecs. Il goli da la Pologna ch'è vegnì midà en, ha dentant tegnì il penalti, uschia che la partida ha terminà cun in pari dad 1:1. (gc/sda)
En il segund gieu da l'EURO2012 ha la Russia battì suveran la Tschechia cun 4 ad 1.
