Federer manchenta uschia ses 6avel final al turnier da tennis a Paris. Il Svizzer ha pudì persvader per part, dentant ha el fatg bler memia blers sbagls – en tut 46. Aveva Federer anc pudì franar avant in onn la seria da victorias da Djokovic en il mezfinal dal French Open, ha el trumpà questa giada. En l’emprim set ha el bain manà cun in break. Djokovic ha dentant gist suenter fatg il rebreak. (gc/sda)